KAP_01: proiektuaren garapena 01

Proiektua aurrera doa apurka-apurka eta oraingo honetan orain arte hartutako erabakien laburbilketa bat dakarkizuet. Oraindik gauza asko dago aztertu eta pentsatzeko eta beraz orain arte hartutako erabakiak hankaz-gora jartzeko aukera dago oraindik. Eskertuko nizueke zuen iritzia ematea... Goiko irudiak labulpen osoa duzue eta hemndik aurrera erabakiak banan-bana azalduko dizkizuet:

01_Gaur egungo egoera:
Gaur egun Agerialde eraikinean 4 urtetik 10ra bitarteko haurrek jasotzen dituzte klaseak. Eraikinak sarrera nagusi bat du hegoalderuntz, ikastolako autobusaren geltokitik gertu.
Eraikinaz gain, ikastolaren eremuan 4 jolastoki aurkitzen dira, hauetatik 2 estaliak. Beste biak futbol zelai bat eta frontoia dira.
02_Eguzkitzapenaren analisia eta ondorioak:
Eguzkitzapenaren analisiarekin 2 ondorio nagusi ateratzen dira; - Eraikin berriarentzako [0-6 urte bitarteko haurrak] lekurik egokiena gaur egun frontoia kokatzen den gunea izango litzateke. - Jolastokia denbora luzez itzalpean dago, ondo legoke egoera hau hobetzea. Aukera posibletako bat da jolastokia goratzea.
03_garapenaren 1.pausua:
Lehenengo erabakiak:
- Futbol zelaia handitu [legedia bete dezan] eta goratu egiten da. Hau azpian aparkalekua bat egiteko probesten da.
- Eraikina berriak, lehen frontoia zegoen lekuan kokatu ezkero, 5-6 pisu hartuko lituzte beharrezko azalera kontutan hartuta.
04_irisgarritasunaren analisia:
Eraikinaren lehenengo planteamendu horrekin 2 arazo sortzen zaizkigu irisgarritasunaren aldetik. - Eraikinak altuera handiegia hartzen du eta horrek jolastokiarekin erlazioa zailtzen du. - Eraikina autobusaren ibilbidetik urruti xamar geratzen da, sarrera zailduz.
05_analisiaren ondorioak:
Eraikinari hegal berri bat emanda [ekialde/mendebalde orintazioa duelarik] irisgarritasun arazoak konpontzen ditugu:
- Altuera baxutu egiten da, jolastokiarekin erlazioa hobetuz.
- Hegal berriarekin sarrera autobusaren ibilbidetik gertuago kokatzen da.
06_ikuspegi eta sentsazio espazialaren analisia:
Eraikin berria jolastokiaren altura berdinean sortzen denez, jolastokiari ikuspegiak kentzen dizkio eta gainera jolastoki guztia
eraikinez inguratua geratzen da, espazio itxi baten sentsazioa emanez. Hau hobetu egin beharko litzateke.
07_analisiaren ondorioak:
Eraikinaren beheko pisua libre utziz, hau da, guztia pisu bat gorago eman ezkero, jolastokiaren ikuspegiak hobetzen ditugu, inguruko
eremu naturalarekin erlazioa hobetuz eta espazio ireki baten sentsazioa emanez jolastokiari.
08_garapenaren 2.pausua:
Hartutako erabakiekin, irisgarritasuna eta jolastokiaren sentsazio espaziala hobetzeaz gain jolastoki berri bat ere sortzen dugu.
Horrela, 3-6 urteko haurrek beren jolastoki propioa izango dute, 6-12 urteko haurren jolastokitik ezberdindua eta estalia izango dena.
PD: Hurrengo batean azalduko dizuet 0-3 urte bitarteko haurren jolastokiak non kokatuko diren. Beste haurrengandi bereiziak egon
behar baitute.
09_garapenaren 3.pausua:
Garapeneko azken puntuan hartzen diren erabakiekin, momentu honetan horrela geratzen da proiektua [aldaketa berrien zain]:
- 3-6 urte bitarteko haurrentzako jolaslekua kotaz jeisten da apur bat, beste jolastokitik ezberdintzeko eta altuera irabazteko
[sentsazio espaziala hobetzeko]
- Jolastoki berriaren azpian kokatzen da frontoia, lehen ez bezala, estalia izango dena.
- Sarrera elementua zabaldu egiten da eta bertan kokatzen dira, komunikazio elementuez gain, elementu komunak [jantokia ...].

Edozein iritzi, konstruktibo zein destruktibo, ongietorria izango da. Milesker.
TO BE CONTINUED

KAP_05: itzalak_01, datuak.

Presaka nabil, baina azalpen batzuk beharko dituzue:

01_Taula moduko hontan orubean gaur egungo egoeran azaltzen diren itzalak agertzen dira. Hau da, gaur egungo egoeraren analisitik hasita, eraikin berriaren kokapen egokiena zein izango litzateken aztertu nahi da. Oraingoz, datuak bakarrik azaltzen dizkizuet, ingongo ondoriorik atera gabe.

02_Itzalak aztertzerako orduan, ikasturte bateko hilabeteak eta ordutegiak hartu dira kontutan. Horrela irailetik ekainera bitarteko hilabeteak aztertzen dira, eta 9:00tik 18:00tara bitarteko orduak.

03_Taula goitik behera irakurri ezkero, hilabete jakin batean ordu ezberdinetan izango ditugun itzalak azaltzen zaizkizue. Taula ezkerretik eskuinera irakurri ezkero, ordu jakin batean hilabete guztietan zehar izango ditugun itzalak agertzen zaizkizue.

04_Taula berdez dagoen zatietan, hilabete edo ordu jakin batean dauden itzal guztien gehiketa azaltzen zaizue.

05_Naranjaz dagoena da itzala. Bai, arraroa da, baina hala da: naranja=itzala

Agerialderen itzala luze da zinez! ondo izan!

KAP_04: nola jolasten dira haurrak?

Nola jolasten dira haurrak? Nuevo diseño en parques infantiles [Marta Rojals de Alamo, 2004] liburuaren laguntzarekin galdera honi erantzunak [bat baino gehiago baitaude...haur haina egia esan] bilatzen ari naiz azken aldi hontan.

Liburuan, haurrentzako jolasleku eta beste hainbat espazio publikoren adibideak aurkezten zaizkigu, baina baita haurren jolas-espaziorako eskuliburu moduko bat ere. Bertan haurren adinei buruzkoak, materialei buruzkoak, jolasteko modu ezberdinei buruzkoak etab. kontatzen zaizkigu. Zenbait puntutan agerikoegia edo naif xamarra izan daitekeen arren, beste zenbait gauzetan oso lagungarria izan daiteke. Izan ere, askotan, gure sormen zurrunbiloan sartuta gaudenean ,gauza funtsezkoenak ahazten ditugu.

Hemen uzten dizuet eskuliburua, espero inoiz lagungarri gertatzea!
diseñar el espacio de juegos

Ondo izan!

KAP_03: gaiaren entrega

Beno, mugarri batera iritxi gara KAParen asunto honetan. Hemen uzten dizuet, primizia moduan [bihar entregatu behar dut eskolako idazkaritzan], nire Karrera Amaierako Proiektuaren gaiaren aurkezpenerako entrega. Ikusiten duzuten moduan Haur Eskola bat diseinatuko dut, Usurbilen. Ea gustoko duzuen orain arteko lana... aurrerapenen berri emango dizuet!

KAP_entrega_gaia

View more presentations from kontrabentana.

Bidenabar kuriositate bat; KAPa egiteko bi aukera ditu ikasleak, edo berak aukeratutako gai baten inguruan egin proiektua edo eskolak eskaintzen dion gaiaren inguruan egin lana. Azken honi "gai ofiziala" deitzen zaio. Ba begiratu nola dauden gaur, asteazkena, gai ofizialaren ingurukoak, bihar izanik gaiaren entrega egiteko azkeneko eguna... ...en construcción...no comment...gora ehu!

KAP_02: Hezkuntza Usurbilen _1965-95

...nora joan jakiteko, nondik gatozen jakin behar baita...

GARAPENA:

_1968 aurretik auzo askok zuten bere eskola propioa; Zubieta, Aginaga, Txokoalde, Arratzain, San Esteban, Txikierdi...
_1968an Usurbilgo hezkuntza:
- Hainbat auzotan baziren eskola txikiak: Zubieta, Santuenea, Aginaga eta Txokoalde.
- NAZIONALAK:
kokapena: udaletxe azpian.
maila: lehen hezkuntza arrunta [erdaraz]
- LA SALLE:
kokapena: frontoi ondoan [udarrregi zaharra]
maila: 11 urtetik gorakoak, lanbide heziketaren hastapenak [mutilak soilik, erdaraz]
- MOJAK:
kokapena: Kalezaharko eraikina
maila: lehen hezkuntza arrrunta + batxillerra [neskak soilik, erdaraz]
_1969: Udarregi Patronatuaren sorrera, “Asociación de Padres de Familia” eta Udaletxearen bultzadarekin. Helburu bezala hezkuntzari bultzada bat ematea. Patronatu honen menpe geratzen dira LA SALLe eta MOJA ikastetxea.
_1969: 2 sorrera berri:
- LUBERRI: Euskal Herri osoan gertatzen ari zen bezala,Usurbilen ere ikastola bat sortzen da.
kokapena: Hasiera batean Paris Etxean eta ondoren baita Zatara Etxean ere
maila: 6 urterartekoak [euskaraz]
- HUARTE SAN JUAN:
kokapena: Kalezaharako barrakoiak
maila: batxillerra
_1970-71:
Huarte San Juan itxi.
AGERIALDE ERAIKINA egin. Bertan “Colegio Nacional” bat kokatzen da.
_1973-74: Lasarteko LANDER ikastola eta LUBERRI ikastola batuta; LANDABERRI koperatibaren sorrera.
_1974-75: Bi ikastetxeek [LA SALLE eta MOJAK] zuzendari bakarra duten lehenengo urtea.
_1975-76: Usurbilgo LANGILE ESKOLAren sorrera. Lehenengo urteetan Aginagako parrokiaren lokaletan kokatua.
_1977: LANDABERRI IKASTOLAK eraikin berria, lasarteko hipodromoaren inguruetan.
_1979: Usurbilgo LANGILE ESKOLAk eraikin berria Zubietan.
_1980: Udarregi Gipuzkoako Ikastolen Elkartean sartzen da.
_1981: Ikastola berri baten aurreproiektua [22 gela izango zituena] aurkeztu Euskal Gobernuari, Gasteizen.
_1983: Gobernuak proposatutako aldaketak kontutan hartuta [22 gela gehiegi zirela etab.], proiektu berri bat
egitea erabakitzen du Udarregik. Proiektu berri hau egiteko ardura Luis Peña Gantxegiri ematen zaio.
_1986-87: Ikastolaren eraikin berria eraiki. Lehenengo ikasturtea 1987-88koa izango da. Nahiz eta hasiera batean hezkuntza maila guztiak bertan sartu nahi ziren, espazio falta dela eta, eraikin berrian 6-14 urte bitartekoak kokatuko dira eta eskolaurrea Kalezaharko eraikinean [garain batean mojen ikastetxea] kokatuko da, nahiz eta ez iruditu oso egokia.
_1990: LOGSE delakoa onartzen da Estatu mailan. Udarregik bertara egokitzeko konpromezua hartzen du:
Haur Hekuntza: 3-6 urte.
Lehen Hezkuntza: 6-12 urte.
Derrigorrezko Bigarren Hezkuntza: 12-16 urte.

ONDORIOAK ETA GAUR EGUNGO EGOERA:
_DISGREGAZIOA: Urte askotan zehar hezkuntzari zuzendutako eraikinak disgregatuak egon dira. Garai batean disgregazio hau mugikortasunaren mugak zirela eta ematen zela pentsatu genezake; auzo bakoitzean eskola txikiak sortzen zirelarik. Baina Usurbilgo kaxkoan bertan ere ematen zen disgregazio hau, garai batean 3 ikastetxe ezberdin zeudelarik, bakoitza bere eraikinarekin; La Salletarrak frontoi ondoan kokatzen ziren, Mojen ikastetxea Kalezaharren eta Eskola Nazionala berriz udaletxe azpian.
GAUR EGUN ere ematen da disgregazio hori. Udarregi ikastolan zentratuz [Aginaga eta Zubietan badira oraindik “eskola txikiak”], hau 3 eraikin ezberdinetan banatua dagoela ikusi genezake; Agerialde eraikina, Ikastola berriaren eraikina eta Kalezaharreko eraikina [garai batean mojena izan zena]. Agerialde eta eraikin berria nahiko gertu daude, baina hirugarrena hauengandik nahiko hurrun geratzen da.
_LEKU FALTA ETA ERAIKINEN EGOKITASUNA: Ikusi dugun bezala zenbaiteta espazio falta somatu izan da hezkuntzara eskeinitako eraikinetan, hala gertatu zen adibidez, Udarregi berria eraiki zenean, atzerapenak zirela eta eraki zutenerako iada espazio faltak baitzeuden. GAUR EGUN ere halako zerbait gertzen da; Udarregik nahiko espazio falta handiak ditu eta Haur-Eskola kokatua dagoen eraikina [garai batean Mojen ikastetxea izandakoa] ez da oso egokia erabilera horretarako.

Informazio guztia "Udarregi, 25.urteurrena" eta www.udarregi.com web gunetik aterea.

KAP_01: amaiera hastera doa

5 urteren ondoren, iritxi da amaieraren hasiera, iritxi da Karrera Amaierako Proiektuari ekiteko ordua. Nola ez, horri buruzkoak ere kontatuko ditut hemen. Hasieran nago, eta ezin kontatu gauza handirik; Usurbilen kokatua egongo da eta hezkuntzaren inguruko proiektu bat izango dela dirudi. Oraingoz besterik ez.

1_Usurbilgo eraikin eta espazio publikoak.
2_Hezkuntzara eskeintzen diren eraikin ezberdinak eta bertan kokatzen diren funtzio ezberdinak.
3_Udarregi ikastolaren inguruan aurkitzen diren eraikin, espazio publiko eta hutsune ezberdinak.
Hemendik aurrera KAPari buruzko guztiak alboko banner horretan klikatuta aurkituko dituzue. Ondo izan!