Hemen dituzue 2010ari begira interesgarriak iruditzen zaizkidan 10 film. Trailerrarekin batera informazio apur bat uzten dizuet... edo beste era batera esanda, niri zergaitik iruditu zaizkidan interesgarriak. Hainbat oraindela nahiko denbora estreinatuak izan dira [...otsailak 19an egiten denean zerrenda...]eta beste hainbat zerrendatik kanpo geratu dira; shutter island, salt, tron legacy...
Un tipo serio [Urtarrilak 8] Interesarria: Zuzendariak [Coen anaiak; No country for old men...] + trailerra [bereziki gustoko dut, ez da tipiko hoietakoa]. Informazio +
Up in the air [Urtarrilak 22] Interesarria: Zuzendaria [Jason Reitman; Juno, gomendagarria oso] + jaso dituen kritika onak. Informazio+
La carretera [Otsailak 5] Interesarria: Corman McCarthyren [No country for old men] liburu batean oinarritua + Viggo Mortensen. Informazio+
Alicia en el País de la Maravillas [Martxoak 5] Interesarria: Tandem Tim Burton/Johnny Deep [Eduardo manos tijeras...] + pertsonaien diseinu estetikoak. Informazio+
Los hombres que miraban fijamente a las CABRAS [Martxoak 5] Interesarria: Argumentua + trailerra [oso, oso, oso dibertigarria] + aktoreak [Jeff Bridges, Clooney...]. Informazio+
Airbender: El último Guerrero[Martxoak 5] Interesarria: Zuzendaria [M.Night Shyamalan; El sexto sentido...] + Argumentua [epiko/mitologikoa, marrazki bizidun manga batzuetan oinarritua, bilatu hortik...] Informazio+
Toy Story 3 [2010] Interesgarria: Pixar [Wall-e, Up, Ratatouille, Cars, Los Increible...], ta punto. Informazio+
Inception [2010] Interesgarria: Zuzendaria [Christopher Nolan; The Dark Night, Memento...] + Ellen Page [ Junoko protagonista] + "Your mind is the scene of the crime" + Kale eta eraikinak iraultzen [ulertuko duzue] + Matrix gogorarazten didan zerbait. Informazio+
Kick-Ass [2010] Interesgarria: Superheroi atipikoak + tono makarra moduko bat + Mark Millaren [300] komiki batean oinarritua. Informazio+
Beno, espero zerrendatxo honek zerbaitetarako balio izana! Eta zuek, ze filmeren zain zaudete? Esan!
Banksy artista [graffitilari, zenbaitentzat gaizkile soil] britaniarrak bere lehen filma estreinatu berri du Sundanceko zinemaldian. Hasteko, hemen uzten dizuet bere trailerra [ezer gutxi esaten duena]:
Filmeak grafitiaren inguruko dokumental bat egin nahi duen dendari frantses baten gorabeherak kontatzen dizkigu. Dendari hau Banksy zein den deskubritzen saiatzen da eta … eta hortik aurrerakoak jakingo ditugu filmea internetetik jeisten dugunean [inork uste du gure inguruko salaren batean estreinatuko dela?]. Ez dakienarentzat; Banksy azken urte hauetan oso ezaguna egin den grafitilari baten ezizena da. Mundu guztiko hirietan aurkitu ditzakegu bere lanak, baina oraindik ere bere benetako identitatea ezkutuan mantentzen du. Stencil teknikaren bidez [spray + plantilla] egiten ditu bere lanak eta kasu gehienetan ironia eta kritika [kapitalismoari, gerrari, artearen munduari …] kutsu handi bat izaten dute. Esandakoaren erakusgarri dira Palestinako harresian egindakoak etab. Baina Banksy ere, guztiok bezala, kontradikzioz beteta dago, eta horrela, oso kritikatua izan da zenbait kolektiboren aldetik, izan ere; MTV edo PUMA bezalako enpresentzako egin du lan, bere zenbait obra oso prezio altuetan salduak izan dira … Nire iritzia jakin nahi baduzue; bere zenbait lan asko gustatzen zaizkit eta oso interesgarriak iruditzen zaizkit … eta kontradikzioz beteta ez dagoen norbait ezagutzen baduzue [artista edo ez], deitu. Ondo izan.
INDIOA Indiooi ez digute inbasio edo erbesteratze minei buruz deus irakatsiko. Goseak askotan inbasore bihurtu gaitu. Besteetan, erbesteratu gosetien inbasio basatia jasan dugu. Hainbeste jende. Ezustean. herri umil honetara. Erresistentzia latza sortuz. Xenofoboa, zenbaiten aburuz. Onartu ginen. Gogo txarrez askotan. Elkar irainduz. Ez, indioak ez ginen etorkinak baino xenofoboagoak. Esperientziaz bagenekien goseak lan lekuetara bultza ohi duela. Agintari eta polizien joera, ordea, argi gelditu zen hasieratik. Konkistara zetozen. Ez zuten lan erraza, baina denbora kontua zen. Langile heldu berriek eta indiook instintiboki genekien beraien seme-alabek, eskubide osoz, berandu baino lehen, hemengo izango zirela. Eta aginduko zutela. Lehenez gainera. Hizkuntza, Herria, Indioa. Nahasi eta desagertzeraino. Hable en cristiano!-k garbi uzten zuen. Honek, gutxik espero genuen bira egin badu ere. Erdaldunduko ginela, bai. Euskaldunduko zirenik... Haien umeak, gure anaiak, arrebak, ilobak, bilobak dira.Esto es España! esan beharrik gabe. Barnetik. Euskaraz. Eta irain, probokazio eta errepresio handienak lortu ez duena isuri gabeko odolak lortu du. Nahasiaz. Solamente indiook, ez genuen inolaz ere gure arbasoen amets nagusia hiltzen utzi nahi. Inolaz ere!
Hemen dituzue 2010ari begira interesgarriak iruditzen zaizkidan 10 film. Trailerrarekin batera informazio apur bat uzten dizuet... edo beste era batera esanda, niri zergaitik iruditu zaizkidan interesgarriak. Hainbat oraindela nahiko denbora estreinatuak izan dira [...otsailak 19an egiten denean zerrenda...] eta beste hainbat zerrendatik kanpo geratu dira; shutter island, salt, tron legacy...
